АЛМАТЫДАҒЫ ҚОЗҒАЛЫС ҚАУІПСІЗДІГІ ЖӘНЕ ЦИФРЛАНДЫРУ ЖӨНІНДЕГІ ЕУРАЗИЯЛЫҚ ФОРУМ

3 қазанда Алматыда «Теміржол көлігіндегі қауіпсіздік және цифрландыру жөніндегі Еуразиялық форум» өтті.

Форум қатысушылары — мемлекеттік органдардың, теміржол әкімшіліктерінің, жақын және алыс шетелдердің ұлттық тасымалдаушыларының, ғылыми қоғамдастықтың, Орталық Азия және ТМД елдерінің білім беру мекемелері мен жобалау ұйымдарының өкілдері.

Іс-шарада қозғалыс қауіпсіздігі мен теміржол көлігін цифрландырудың негізгі мәселелері, сондай-ақ тасымалдау процесі операцияларын орындау кезіндегі алдын алу шараларын әзірлеу талқыланды.

«ТМХ ИС» дивизионының компаниялары форумда өздерінің инновациялық әзірлемелерін таныстырды:

• БОРТ жүйесі — 2019 жылдан бастап Қазақстанда, Моңғолияда, Өзбекстанда, Қырғызстанда 550-ден астам локомотивке орнатылған, ал 2025 жылдан бастап оның БОРТ-Р модификациясы Ресей теміржол жолдарына шыққан локомотив қозғалыс қауіпсіздігін қамтамасыз ету жүйесі.

• «РэйлНекст» ЖШҚ-ның заманауи, жаңа РТЛ локомотив радиостанциясы.

• Локомотивтің жүру бөлігінің ақауларын анықтауға арналған «ПРОГНОЗ-ПРО» мобильді диагностикалық кешені.

• Қашықтан бейнебақылау жүйесі (ҚБЖ) — машинистке жолдың бос екенін көзбен бақылауды қамтамасыз етеді. Қазақстандағы ірі көмір өндіру кәсіпорындарының бірінің локомотив құрамдарына 15 ҚБЖ жиынтығы орнатылған.

«Транстелесофт» ЖШҚ даму департаментінің басшысы Дмитрий Витальевич Волковский «Теміржол көлігінде қозғалыс қауіпсіздігін қамтамасыз ету» секциясы аясында баяндама жасады және қозғалыс қауіпсіздігін бақылау жүйелерінің дамуы мен локомотивтердің перспективалы борттық жүйелері туралы, сондай-ақ ТМХ Интеллектуалды жүйелер компаниялар тобының перспективалы өнімдері туралы айтып берді.

Форум барысында қатысушылар автожүргізу жүйесімен біріктірілген БОРТ жүйесінің жұмысымен іс жүзінде танысу мүмкіндігіне ие болды. Алматы локомотив депосында ғылыми-практикалық жұмыс кездесуін өткізу мүмкіндігі үшін «ҚТЖ» ҰК» АҚ басшылығына алғысымызды білдіреміз.